बस दुर्घटनामा दुईको मृत्यु

तानसेन तम्घास सडकको बन्दीपोखरा, ७ जोगीपानीमा मंगलवार दिउँसो भएको बस दुर्घटनामा दुई जनाको मृत्यु भएको छ । बसमा सवार १० जना घाइते भएका छन् ।

दुर्घटनामा वुटवल नगरपालिका , ६ का राजु बस्नेत र गुल्मी आंपचौरका कुलबहादुर विकको मृत्यु भएको प्रहरीले जनाएको छ । घाइतेहरुको तानसेनस्थित मिसन अस्पतालमा उपचार भइरहेको छ ।

वुटवलवाट गुल्मीको वामीटक्सार हिँडेको लु १ ख ३९९६ नम्वरको बस साँघुरो र उकालो बाटोको साईडमा भासिँदा दुर्घटना भएको प्रहरीले जनाएको छ । दुर्घटनाग्रस्त बस सडकबाट १५ मिटर तल खसेको छ ।